بسم اللہ الرّحمٰن الرّحیم
 |
| قُرآن اور محترم انسان |
اسلام علیکم ورحمت اللہ وبر کاتہ
قُرآنِ پاک میں محترم انسان کو اللہ ربُّ العزّت نے بارہا مُخاطب فر ماتے ہوئے فرمایا ہے کہ انسان تو نا شکرا ہے
انسان کو اللہ تبارک وتعالٰی نے بغیر طلب کے اپنی شانِ کریمی سے عقل جیسی اعلٰی نعمت عطا فر مائی مختلف صلاحیتوں سے نوازا محترم انسان تو انہی عنایتوں اور نوازشات کا شکر ادا نہیں کر سکتا جو اشرفُ المخلوقات انسان کو بن مانگے عطا فر مائیں گئیں
اللہ جلّ شانُہٗ نے قُرآنِ مُبین میں شکر کرنے والوں کو زیادہ عطا کر نے کا فر مایا گیا ہےجس طرح مُحترم انسان کی جسمانی ضروریات ہیں مثلاً کھانا پینا آرام کرنا اگر خدانخواستہ جسم میں کوئی بیماری پیدا ہو جاتی ہے معمولی سا سر درد ہی ہو جاتا ہے تو مُحترم انسان اسکے علاج کے لئے کوشش شروع کرتا ہے
جیسے جسم کی مُناسب ضروریات پوری کر تے ہوئے اس کی حفاطت بھی ضروری ہے اسی طرح محترم انسان کے اندر روح کی موجود گی ہی اُسے جسمانی کام کرنے میں ہمّت دیتی ہے
اب روح کی بھی کچھ ضروریات ہیں ایک تو روح کی غذا ہے اور ایک اس کی حفاظت ہے اب ہر انسان یہ توسمجھ لے کہ بہترین روح جسم کو زندگی میں نا امیدیاں پریشانیاں تکالیف میں قوّتِ مُدافعت اور حوصلہ دیتی ہے
اب انسان کسی بھی روح کی بیماری میں اللہ نہ کرے مُبتلا ہو جائے تو اسکا علاج صرف اور صرف اللہ وحدہٗ لاشریک کا قُرآن اوراد و وضائف ولی اللہ کے فرمودات وغیرہ
بیماری سے پہلے اگر رُوح کی غذا کا بند و بست مسلسل صحیح وقت پہ ہوتا رہے تو بِحمدِ اللہ رُوحیں بیمار نہیں ہوتیں
اب یہ مُحترم انسان نے سوچنا ہے رُوح کی غذا مُسلسل کیسے جاری رکھنی ہےجو اِنسان اپنے خالِقِ حقیقی کو نہیں مانتے اُن کی رُوح کے مالک بھی اللہ ہیں انکی ساری ضروریات بھی اللہ پاک ہی پوری فر ماتے ہیں لیکن وہ اللہ جلّ شانُہٗ کی کرم نوازی کا سوچتے ہی نہیں اس لئے ان کی بیماری رُوح کی کیسے دُور ہوتی ہے وہ یا وہ جانتے ہیں یا اُن کا مالک جانتا ہے
لیکن
جو اللہ کے فضل سے پیارے نبی کریم صلّی اللہ علیہ وسلّم کے صدقے مُسلمان ہیں اُن کی رُوح تو الحمدُ لِلہ پوری زندگی تروتازہ رہ سکتی ہے
اُس کے لئے مُحترم مُسلمان سب سے پہلے پانچ وقت با جماعت کا اپنے آپ کو پابند بنا نے کی کوشش میں لگا رہےدرُود شریف کی کثرت کا اہتمام کرے ہر انسان کو ہر مُسلمان کو ہر جاندار شے کو اپنی ہمت کے مُطابِق فائدہ پہنچانے کی کو شش کرے ہر کسی کے لئے آسانیاں پیدا کرنے کی سعی کرے
اِس تحریر کے تھمبنل پہ ایک بات لکھی ہے بائیں سائڈ پہ اُ س پہ اگر ہر مُسلمان عمل کی کوشش کرے تو نفرتیں مُحبّتُوں میں بدل سکتی ہیں پریشانیاں راحت میں بد ل سکتی ہیں
وہ بات یہ ہے مُحترم اِنسان زِیر بَن یعنی زیر حرف کے نیچے ہو تی ہے تو مُحترم اِنسان بھی عاجزی اور انکساری سے زندگی گُزارنے کی کو شش کرے زَبَر نہ بَن یعنی زبر حرف کے اُوپر ہو تا ہے اِس لئے فخر غُرور تکبُّر نہ کر اپنے آپ کو اعلٰی نہ سمجھ آگے پیش ہونا ہے یعنی رُوزِ مَحشَر مالِکُ المُلک کے سامنے پیش ہو نا ہے جسے آگے پیش ہونے کا ڈر ہو وہ اپنے آپ کو کمتر حقیر اس لحاظ سے سے بھی سمجھے کہ اللہ وحدہ لا شریک کے سامنے تو سب عبد یعنی بندے ہیں اور بندہ بندگی ہی کرسکتا ہے بندگی صرف عبادت نہیں بلکہ ہر وہ حُکم جو آقا صلی اللہ تعالی علیہ وآلہ وسلم کے ذریعے صحابہ تک صحابہ کے ذریعے تابعین تک تابعین سے تابع تابعین تک پہنچھتے ہوئے ہم تک پہنچھا اتنے واسطوں سے ہوتا ہوا جو حکم ہم تک پہنچ گیا اُس پہ اللہ ربُّ العزّت کا شُکر ادا فر مائیں اور اُس پہ عمل کی اُسی وقت نیّت فرمالیں یہ بات ہمیشہ ذھن نشین رکھیں کہ قبر میں صرف اعمال نے ہی ساتھ جانا ہے چاہے وہ عبادات ہوں صدقات ہوں اچھا اخلاق ہو
بات یہی اختتام کر تے ہیں
دعا فر مائیں اللہ ربُّ العزّت اس تحریر میں غلطی کوتاہی کو معاف فر ماکر اپنی بارگاہِ عالی میں اسے شرفِ قبُولیت عطا فر مائیں اور فقیر سمیت ہر مُسلمان کو با الخُصُوص اور ہر اِنسان کو با العُمُوم ان باتوں پہ عمل کر نے کی توفیق عطا فر مائیں
پوری امّتِ مُسلِمہ کو اتحاد اور دین پہ ثابت قدم رہنے کی توفیق عطا فر مائیں آمین بِجاہِ سیّدُ المُرسلین وَ ختمُ المُرسلین صلّی اللہُ علیہِ وسلّم
0 comments:
Post a Comment
اللہ پاک سب کے لئے آسانیاں پیدا فر مائیں آمین