صدائے فقیر

بِسمِ اللہِ الرَّحمٰنِ الرَّحیم
 اسّلامُُ عَلَیکُم وَرَحمَتُ اللہِ وَبَرَکا تُہ 

 مخلوقِ خدا سے مُحبّت خالقِ حَقیقی سے قُربت

اللہ رب العزّت کا لاکھ ہا شکر ہے کہ ہمیں 

امتِ محمّدیہ صلّی اللہ تعالٰی علیہِ وآلہٖ وسلّم میں مسلمان پیدا فرمایا  

اللہ جلّ شانہُ کے ہاں دین صرف اسلام ہے

اس فرمان سے یہ بات ہر طرح سے واضح ہو جاتی ہے

 کہ کامیابی صرف اسلام اور اس کے احکامات پہ عمل پیرا ہونے سے ہی ممکن ہے

اسلام کا تعارف مختصر الفاظ میں یوں سمجھیں گے کہ اسلام ہمیں ایک اللہ کومالک حقیقی ماننے کا حکم دیتاہے وجہِ کل کائنات آقائے دوجہاں صلی اللہ تعالی علیہ وآلہ وسلم  کوآخری نبی  یعنی خاتم النبیین ماننے کاحکم دیتا ہے،محسنِ انسانیت سرکارِ دو عالم صلی اللہ تعالی علیہ وآلہ وسلم پہ نازل ہونے والی کتابِ مبین  کو آخری آسمانی کتاب ماننے کا حکم دیتا ہے

پھر اس کے بعد میں اور آپ اسلام کے احکامات پہ عمل پیرا ہونے کے لئے قرآن پاک پڑھتے ہیں یا سیکھتے ہیں احادیث نبوی صلی اللہ تعالی علیہ وآلہٖ وسلم پڑھتے ہیں یا سیکھتے ہیں 

ہر حکم جو قرآن میں ہے برحق اور سچ ہےہر حدیث ِ مبارکہ جو تواتر کے ساتھ ہم تک پہنچی اس کو سچ ماننا ہم سب پہ فرض ہے

اللہ جل شانہُ نے ہمارے لئے دین اور قرآن آسان فرمادیا آقائے کون و مکاں صلی اللہ تعالی علیہ وآلہ وسلم کے فرمودات کی روشنی میں

اب ہم سب کا فرض بنتا ہے کہ چوبیس گھنٹے کی زندگی گزارنے کے لئے اس میں پیش آنے والے مسائل کو روزانہ کی بنیاد پہ سیکھیں اور اس پہ عمل پیرا ہونے کی مشق کریں

سب سے پہلے ہم سے قبر میں نماز کا سوال ہوگ

اسلئے ہمیں سب سے پہلے نماز کے مسائل مکمل سیکھنے کی ضرورت ہے ان مسائل میں غسل اور وضو کا مکمل طریقہ بھی سیکھ جائیں گے پاکی ناپاکی کے مسائل بھی اس میں ہی سیکھ پائیں گے سوشل میڈیا کا دور ہے آپ اپنے موبائل پہ سب کچھ سیکھ سکتے ہیں، اگر آپ روزانہ بیس منٹ بھی تسلسل کے ساتھ محنت فرمائیں گے تو انشا اللہ بھت جلد آپ بھترین مسلمان بننے کی طرف رواں دواں ہونگے

ایک سب سے آسان اور بھترین عمل جو حق تعالی شانہ اور آقا کریم صلی اللہ تعالی علیہ وآلہ وسلم کے آپ کو قریب کرے گا وہ حسنِ اخلاق ہے،  آپ کا اخلاق بھترین بنے گا سب کو عزت دینے سے محبت دینے سے در گزر کرنے سے مشاورت کرنے سے احساس کرنے سے استغفار کی کثرت سے ان شااللہ ان اعمال کو اپنی زندگی میں لانے سے آپ اچھے اخلاق والے بن جائیں گے اللہ رب العزت کی نظر کرم میں

mit like if you like the post